ကမ္ဘာ့ဇိမ်ခံကား ဈေးကွက် တိုက်ပွဲ တရုတ်သို့ ပြောင်းရွှ့

ဥရောပတိုက်၏ အဓိက ဇိမ်ခံကား ထုတ်လုပ်သူများဖြစ်သော BMW | Audi  နှင့် Daimler AG ၏ Mercedes-Benz တို့သည် ကမ္ဘာအရောင်းဈေးကွက် အတွက် တစ်ဖက်နှင့် တစ်ဖက် ဘတစ်ပြန် ကျားတစ်ပြန် သုံးပွင့်ဆိုင် အရောင်းတိုက်ပွဲ ဆင်နွဲလာရာ ၎င်းတို့၏ တိုက်ပွဲသည် ယခုအခါ နောက်ထပ် စင်မြင့်တစ်ခုဖြစ်သော တရုတ်နိုင်ငံသို့ ပြောင်းရွှေ့သွားပြီဟုဆိုသည်။

ကမ္ဘာ့ဈေးကွက်တွင် သုံးပွင့်ဆိုင် အရောင်းတိုက်ပွဲ ဆင်နွဲနေသော BMW ၊ Mercedes နှင့် Audi

BMW အရောင်းဌာန အကြီးအကဲ Ian Robertson က တရုတ်ပြည်သည် U.K.ကိုကျော်လွန်ကာ ဂျာမန် ကားထုတ်လုပ်သူများ အတွက် တတိယအကြီးမားဆုံး အရောင်းန
ယ်မြေ ဖြစ်လာမည်ဟု ဆိုသလို ၊ Audi အရောင်းဌာန အကြီးအကဲ Peter Schwarzenbauer ကလည်း တရုတ်ပြည်သည် ဂျမနီကိုကျော်လွန်ကာ ယခုနှစ်အတွက် အကြီးဆုံးဈေးကွက် ဖြစ်နိုင်သည် ဟုဆိုသည်။

ဇိမ်ခံကားဈေးကွက် ဖြစ်သော ပေကျင်း ကားပြပွဲ မြင်ကွင်း

ပြီးခဲ့သော မေလ ၇ ရက်တွင် Audi က တရုတ်နိုင်ငံတွင် ခိုင်မာသော ဈေးကွက် အကျိုးအမြတ် ရရှိထားပြီး ၎င်းတို့၏ တစ်ကမ္ဘာလုံး အရောင်းသည် ဧပြီလအတွင်းတွင် ၁၈ ရာခိုင်နှုန်းအထိ မြင့်တက်သွားပြီဟု ထုတ်ပြန်ခဲ့သည်။ Audi သည် တရုတ်နိုင်ငံတွင် ဧပြီလအတွင် ကားစီးရေ ၁၉,၆၀၆ စင်းရောင်းခဲ့ပြီး ယခင်နှစ်ကနှင့်စာလျင် ၆၁ ရာခိုင်းနှုန်းတိုးတက်လာပြီး  ၁၉,၁၂၄ စင်းရောင်းရသော ဂျာမန်ပြည်တွင်းဈေးကွက်ကို ကျော်တက်သွားပြီ ဖြစ်သည်။

တရုတ်ကားဈေးကွက်တွင် ဦးဆောင်နေသည့် Audi

မိခင် ကုမ္ပဏီဖြစ်သော Volkswagen AG (ဗောက်စ်ဝက်ဂွန်) ၏ ယခင်ကတည်းက ဈေးကွက် ထိုးဖောက်ထားမှုကြောင့် Audi သည် တရုတ်ဈေးကွက်တွင် ဦးဆောင်သူဖြစ်နေသည်။BMW ကလည်း တရုတ်ပြည်တွင် ယခုနှစ်အတွင်း ကားစင်းရေ ၁၂၀,၀၀၀ ရောင်းချရန် ခန့်မှန်းထားပြီး Mercedes-Benz ကလည်း ၁၀၀,၀၀၀ ကျော် ရောင်းရမည်ဟု ဆိုသည်။

Posted in: စီးပွားရေး