ကျောက်စိမ်းတူးဖော်ရေး ဆဲဗင်းစတား ကုမ္ပဏီရုံးတွင် မော်တာ လက်နက်ကြီးတကြိမ်ကျခဲ့ရာ ကုမ္ပဏီဝန်ထမ်း နေလင်းအောင်ဆိုသူအား ထိ မှန်ကာ ညတွင်းချင်းသေဆုံးသွားခဲ့ပြီး တခြားဝန်ထမ်း ၅ ဦးမှာ ဒာဏ်ရာရရှိသွားခဲ့ဟု မျက်မြင်ဒေသခံများပြောသည်။
ထို့အပြင် ဆိုင်းတောင် တရုတ်ဘုရားကျောင်းဝင်းတွင်လည်း တကြိမ်ကျခဲ့ရာ ဦးရဲဝင်းအားထိမှန်၍ ဘယ်ဖက်ပခုံး နှင့် ခြေတစ်လုံးမှာ ဒဏ်ရာ ရှိသွားခဲ့သည်။
ဒဏ်ရာသူများမှ ဦးမျိုးဝင်း၊ ဦးမိုင်းစိန်၊ ဦးလူမင်း နှင့် အခြားအမည်မသိ နှစ်ဦး တို့မှာ ယခုချိန် သက်ဆိုင်ရာ ဖားကန့်ဆေးရုံနှင့် မိုးညှင်း ဆေးရုံ တွင်ဆေးကုသမှုခံယူနေကြောင်းသိရသည်။
အစိုးရစစ်တပ်များသည် လူနေအရပ်သို့ လက်နက်ကြီးများဖြင့် ပစ်ခတ်မှုကြောင့် အရပ်သားများ၏ ကားများထိခိုက်ပျက်စီးခြင်းသာမက ဆိုင်း တောင် ရပ်ကွက် (၂ )ရှိ ဒေါ်ချိုမာ၏ အိမ်တွင်လည်း မော်တာ ကျည်ကျပြီး နေအိမ်နှင့် အိမ်တွင်းပစ္စည်းအချို့ ပျက်စီးသွားကြောင်း ဒေသခံ များပြောသည်။
သို့သော် ဆိုင်းတောင် ကြက်သွေးတောင်တွင် တကြိမ်နှင့် နှစ်ခြင်းအသင်းတော်မှ အထွဋ်အမြတ်ထားကာ ကျောက်စိမ်းများဖြင့် စီချယ်ကာ လက်ဝါးကားတိုင်ပြုလုပ်စိုက်ထူထားသော ဆုတောင်းတောင် ဘုရားကျောင်းဝင်းတွင် လက်နက်ကြီး ၅ ကြိမ်ကျခဲ့ရာမှာ ထိခိုက်ပျက်စီး မှု တစုံတရာ မရှိကြောင်း ဒေသခံများပြောသည်။
ဖားကန့်ဒေသတွင်း နှစ်ဖက်တိုက်ပွဲများပြင်းထန်လာနိုင်ဖွယ်ရှိသောကြောင့် ကေအိုင်အိုမှ ဒေသခံများအား ရိက္ခာစုဆောင်း၍ သတိဖြင့်နေ ရန် ပြောဆိုထားပြီး မြန်မာအစိုးရဖက်ကလည်း ဖားကန့်ဒေသရှိ ကုမ္ပဏီများနှင့် ၀န်ထမ်းများ အလုပ်သမားများအားလုံးကို မေလကုန်ပိုင်းမှစ၍ နေရပ်ပြန်ရင်ညွှန်ကြားခဲ့ပြီးနောက် တိုက်ပွဲများနှင့် ပစ်ခတ်မှုများဖြစ်ပေါ်နေခြင်းဖြစ်သည်။
0 ကွန်မန့်ရေးရန်:
Post a Comment